Հայաստանի չորային գոտիներին և անտառային պահպանվող տարածքներին հարակից համայնքների հողահեն հարմարվողականության կարողությունների հզորացում՝ նախորդ ծրագրի հաջողված մեխանիզմների կրկնօրինակման և ընդլայնման միջոցով դրամաշնորհային ծրագրի շրջանակներում սոցիալ-տնտ

Ծառայությունները ձեռք են բերվում ՄԱԿ-ի «Կլիմայի փոփոխության մասին» շրջանակային կոնվենցիայի Հարմարվողականության հիմնադրամի խորհրդի 45-րդ հանդիպման ընթացքում (2025 թվականի հոկտեմբեր) հաստատված և «Բնապահպանական ծրագրերի իրականացման գրասենյակ» պետական հիմնարկի (այսուհետ՝ Պատվիրատու) կողմից իրականացվող «Հայաստանի չորային գոտիներին և անտառային պահպանվող տարածքներին հարակից համայնքների հողահեն հարմարվողականության կարողությունների հզորացում՝ նախորդ ծրագրի հաջողված մեխանիզմների կրկնօրինակման և ընդլայնման միջոցով» դրամաշնորհային ծրագրի շրջանակներում։

2․1. ԾՐԱԳՐԻ ՆԿԱՐԱԳՐՈՒԹՅՈՒՆԸ

Ծրագրի նպատակն է նվազեցնել «Խոսրովի անտառ» պետական արգելոցին, ինչպես նաև «Դիլիջան» և «Սևան» ազգային պարկերին հարակից համայնքների՝ կլիմայական ռիսկերի նկատմամբ խոցելիությունը՝ դեգրադացված տարածքներում և բուֆերային գոտիներում կայուն գյուղատնտեսության խթանման միջոցով՝ դրանով իսկ նվազեցնելով կլիմայի հետ կապված ռիսկերը և արտադրական համակարգերի խոցելիությունը՝ միաժամանակ ապահովելով պահպանվող տարածքների կայունությունը։

Համայնքահեն, կլիմայախելացի գյուղատնտեսական գործելակերպերի ներդրման, արժեշղթաների հզորացման և տեխնոլոգիաների փոխանցման, ինչպես նաև իրազեկման բարձրացման և կարողությունների զարգացման միջոցով Ծրագիրը նպատակ ունի բարձրացնել խոցելի գյուղական համայնքների հարմարվողական կարողությունները, նպաստել հողերի չեզոք դեգրադացիայի ապահովմանը, ինչպես նաև աջակցել գյուղատնտեսական էկոհամակարգերի երկարաժամկետ կայունությանը։

Ծրագիրը նախատեսում է՝

Դեգրադացված տարածքներում ներդնել կլիմայախելամիտ գյուղատնտեսական գործելակերպեր՝ ջրօգտագործման արդյունավետության բարձրացման, արոտավայրերի վերականգնման, բազմամյա ցանքատարածությունների հիմնման, ինչպես նաև համայնքային արոտավայրերի և խոտհարքների հարմարվողական կարողությունների բարելավման նպատակով,

Ամրապնդել կլիմայախելամիտ գյուղատնտեսության արտադրա-իրացման շղթաները և բարձրացնել կլիմայախելամիտ տեխնոլոգիաների հասանելիությունը՝ խթանելով հողերի կայուն կառավարման գործելակերպերի կիրառումը խոցելի համայնքներում,

Իրականացնել կլիմայախելամիտ գյուղատնտեսության պրակտիկաների վերաբերյալ իրազեկվածության բարձրացում, կարողությունների զարգացում և մոնիթորինգ,

Կիրառել նախորդ ծրագրի շրջանակում հաջողած գործելակերպերը և դրանք վերարտադրել թիրախային նոր համայնքներում։

2․2. ԾՐԱԳՐԱՅԻՆ ԲԱՂԱԴՐԻՉՆԵՐԸ ԵՎ ՆԱԽԱՏԵՍՎԱԾ ԳՈՐԾՈՂՈՒԹՅՈՒՆՆԵՐԸ

Բաղադրիչ 1․ Համայնքային, կլիմայական առումով խելացի գյուղատնտեսական գործելակերպեր դեգրադացված տարածքներում և բուֆերային գոտիներում

Ծրագրային 6 նոր համայնքներում ոռոգման ջրամատակարարման համակարգերի վերականգնում՝ ջրօգտագործման արդյունավետության բարձրացման նպատակով (12 000 մ և 6 արևային պոմպեր),

Ծրագրային 6 նոր համայնքներում կաթիլային ոռոգման համակարգով և հակակարկտային ցանցերով 12 հա պտղատու այգիների հիմնում,

Հեռագնա արոտավայրեր տանող առկա դաշտային ճանապարհների վերականգնում (դաշտային ճանապարհների վերականգնում՝ 20 կմ երկարությամբ, 25 ջրատարի տեղադրում),

Արոտավայրերի դեգրադացիան նվազեցնող բազմամյա տնկարկների 30 հա ցանքատարածությունների հիմնում,

500 հա խոտհարքի, արոտավայրի և վարելահողի վերականգնում և հարմարվողականության բարելավում,

Անասնապահության խթանման նպատակով 5 խմոցների կառուցում,

Նախագծանախահաշվային աշխատանքների իրականացում բոլոր բաղադրիչներով,

Թիրախային համայնքներում արոտավայրերի կառավարման բարելավման նպատակով կարողությունների զարգացում (սեմինարների և դասընթացների միջոցով)։

Բաղադրիչ 2․ Արժեշղթաների ամրապնդում և կլիմայական առումով խելացի տեխնոլոգիաների փոխանցում խոցելի համայնքների համար

Ծրագրի շահառու 6 համայնքներում գյուղատնտեսության վարման խելացի պրակտիկաների ներդնում (3 հա հատապտղային այգիներ՝ կաթիլային ոռոգման համակարգով),

Առաջնահերթ համայնքներում թեթև, չջեռուցվող ջերմոցների կառուցում (40 շահառու, 3000 քմ մակերեսով ջերմոցներ),

Արևային չորանոցների տեղադրում առաջնահերթ համայնքներում (40 արևային չորանոց, 40 շահառու),

Կլիմայի համատեքստում խելացի գյուղատնտեսության արտադրա-իրացման շղթաների ստեղծման համար 5 համայնքային կառավարման և բիզնես ծրագրերի մշակում,

Ագրովոլտային համակարգերի փորձարկում (30 կՎտ դրվածքային հզորությամբ 10 կայան),

Յուրաքանչյուր համայնքում ցուցադրական տարածքների հիմնում՝ հողերի կայուն կառավարման պրակտիկայի ներդրման համար,

Երկու ագրո-աքսելերացիոն կենտրոնների փորձարկում՝ առկա արտադրա-իրացման շղթաների հետ ինտեգրումն ուժեղացնելու համար,

Յուրաքանչյուր համայնքում ագրոտուրիզմի 2 մոդելի փորձարկում,

Չորադիմացկուն և ջերմակայուն մշակաբույսերի նոր սորտերի փորձարկումներ։

Բաղադրիչ 3․ Կլիմայական առումով խելացի գյուղատնտեսական պրակտիկաների վերաբերյալ իրազեկության բարձրացում, կարողությունների զարգացում և մոնիթորինգ

Ֆերմերային դաշտային դպրոցների և գիտելիքի տարածման ծառայությունների տրամադրում՝ թիրախային համայնքների համար կլիմայի համատեքստում խելացի գյուղատնտեսության և հողերի դեգրադացիայի չեզոքացման լավագույն փորձի փոխանակման նպատակով (200 շահառու),

Կլիմայի փոփոխության պայմաններում բնական և գյուղատնտեսական էկոհամակարգերի հարմարվողականության վերաբերյալ լավագույն փորձի օրինակների և ուսումնական նյութերի մշակում, տարածում և հասանելիության ապահովում,

Համայնքահեն հարմարվողականության 4 ծրագրերի մշակում,

4 համայնքահեն ռազմավարության/հարմարվողականության պլանների մշակում կլիմայի համատեքստում խելացի գյուղատնտեսության և հողերի դեգրադացիայի չեզոքացման կայունացման նպատակով,

Տեղական շահագրգիռ կողմերի, այդ թվում՝ համայնքապետարանների, քաղաքացիական հասարակության կազմակերպությունների և պահպանվող տարածքների կառավարիչների կարողությունների հզորացում:

3. ԾՐԱԳՐԻ ՄԻՋԱՄՏՈՒԹՅՈՒՆՆԵՐԻ ՏԱՐԱԾՔՆԵՐԸ

Արարատի մարզ

Ուրցաձոր, Շաղափ, Լանջանիստ բնակավայրեր (նախորդ ծրագրի շահառու բնակավայրեր, այս ծրագրում անհրաժեշտ է դիտարկել միայն նախորդ ծրագրի շրջանակներում իրականացված աշխատանքներին փոխլրացնող գործողություններ)

Վեդի համայնք

Գոռավան բնակավայր,

Վանաշեն բնակավայր,

Սիսավան բնակավայր,

Արարատ համայնք

Զանգակատուն բնակավայր,

Ուրցալանջ բնակավայր,

Լանջար բնակավայր,

Պարույր Սևակ բնակավայր,

Արմաշ բնակավայր։

Տավուշի մարզ

Դիլիջան քաղաք, Հաղարծին, Թեղուտ, Գոշ, Հովք, Աղավնավանք, Խաչարձան, Գեղատափ, Ճերմակավան բնակավայրեր (նախորդ ծրագրի շահառու բնակավայրեր, այս ծրագրում անհրաժեշտ է դիտարկել միայն նախորդ ծրագրի շրջանակներում իրականացված աշխատանքներին փոխլրացնող գործողություններ)

Իջևան համայնք

Սևքար բնակավայր,

Աչաջուր բնակավայր,

Խաշթառակ բնակավայր։

Գեղարքունիքի մարզ

Սևան համայնք

Սեմյոնովկա բնակավայր,

Ծովագյուխ բնակավայր։

Արմավիրի մարզ

Խոյի բնակավայր։

4. ԱՌԱՋԱԴՐԱՆՔԻ ՆՊԱՏԱԿԸ

ՀՀ դրամ

* Վճարման ենթակա գումարները ներկայացվում են աճողական կարգով: Եթե պայմանագիրը կնքվում է "Գնումների մասին" ՀՀ օրենքի 15-րդ հոդվածի 6-րդ մասի հիման վրա, ապա սույն ժամանակացույցը լրացվում և կնքվում է ֆինանսական միջոցներ նախատեսվելու դեպքում կողմերի միջև կնքվող համաձայնագրի հետ միաժամանակ` որպես դրա անբաժանելի մաս:

** հրավերում գումարները նշվում են տոկոսով, իսկ պայմանագիրը կնքելիս տոկոսի փոխարեն նշվում է կոնկրետ գումարի չափ

Հավելված 3