«Բնապահպանական ծրագրերի իրականացման գրասենյակ» պետական հիմնարկը «Հայաստանի դիմակայուն լանդշաֆտներ» ծրագրի շրջանակներում հայտարարում է Վաղ շուկայի ներգրավման մասնակցության հրավեր՝ Լոռի մարզում անտառների վերականգնման աշխատանքների իրականացման նպատակով, ծածկագիր՝ AM-EPIU-516211-CW-RFB
Ընդհանուր տեղեկություններ
Նկարագրություն
Տեխնիկական բնութագիր
1 կմ ցանկապատի հիմնման համար պահանջվում է հետևյալը․
333 փայտե սյուներ՝ 1.8 մ բարձրությամբ։
Սյուները տեղադրվում են 3 մ միջակայքով։
Սյուները ամրացվում են հողի մեջ՝ 0.5 մ խորությամբ, իսկ հողի հետ շփման հատվածը մշակվում է հականեխիչ նյութով։
Ցանկապատի փշալարերը պետք լինեն համաձայն լուսանկարի (Պատկեր 1):
1 կմ ցանկապատի համար անհրաժեշտ է 6,400 մ փշալար։
Փշալարերը պետք է լինեն մետաղական, մեկ լարանի, ակոսավոր, ցինկապատ-ԿՑ1, նորմալ ճշտության, ԳՕՍՏ 285-69-ին համապատասխան: Փշալարի փշերի տրամագիծը 2մմ±0.12մմ, իսկ հիմնալարի տրամագիծը 2.8մմ±0.1մմ: Փշալարի հիմնալարը պետք է լինի թերմոմշակված ամրալարից: 1 կգ-ը կազմում է ոչ պակաս, քան 11 գծամետր և ոչ ավել, քան 12 գծամետր: 1 գծամետրի վրա փշերի քանակը՝ 10-ից ոչ պակաս, մեկ փաթույթի կշիռը՝ 30-40 կգ:
Դարպասների տեխնիկական պահանջներ
Անտառվերականգնման տարածքներում կառուցվող ցանկապատը պարտադիր պետք է ներառի դարպասներ՝ ապահովելու վերահսկվող մուտք և ելք։
Դարպասը բաղկացած է լինելու երկու փեղկերից, որոնք բացվում են ներս կամ դուրս՝ ապահովելով լայն անցուղի։
Բարձրությունը պետք է համապատասխանի ցանկապատի բարձրությանը (մոտ 1.8 մ), իսկ լայնությունը՝ 2.5–3 մ։
Դարպասները պետք է ապահովեն մարդկանց, ինչպես նաև գյուղատնտեսական և տեխնիկական սարքավորումների համար ազատ մուտք։
Դարպասների շրջանակը ձևավորվում է փշալարով, որը ձգվում է փեղկերի վերևում և ներքևում՝ հորիզոնական շարքերով։
Լրացուցիչ անկյունագծային փշալարերը ապահովում են ամրություն և անվտանգություն։
Փեղկերը ամրացվում են փայտե սյուներին մետաղական կեռիկներով կամ միացնող տարրերով։
Դարպասը փակվում է մետաղական փականով կամ կողպեքով։
Ցանկապատի կառուցման ավարտից հետո յուրաքանչյուր անտառտնտեսության համար պետք է ներկայացվի մանրամասն հաշվետվություն։
Տնկման աշխատանքներ և տեսակային կազմ
Անտառվերականգնման տարածքներում անհրաժեշտ է տնկել ստորև նշված ծառատեսակների կազմը․
Սոճի (Pinus spp.)
Հացենի (Fraxinus spp.)
Թխկի (Acer spp.)
Կեչի (Betula spp.)
Խնձորենի (Malus sylvestris)
Տանձենի (Pyrus communis)
Լոռու անտառտնտեսություններում նախատեսված ծառատեսակների կազմը
Վանաձոր: 30% սոճի, 20% կաղնի, 15% խնձորենի, 15% տանձենի, 10% հացենի, 10% թխկի
Տաշիր: 50% սոճի, 20% կեչի, 10% հացենի, 10%թխկի, 10% խնձորենի
Ստեփանավան: 40% սոճի, 20% հացենի, 20% թխկի, 10% խնձորենի, 10% կաղնի
Աղյուսակ 1
Վանաձորի անտառտնտեսությունում 1հա-ի համար պահանջվող սերմնաբուսակների քանակությունը
| Տեսակ | 1հա-ում տնկիների հարաբերակցությունը, % | 1հա-ում պահանջվող տնկիների քանակը | Վերականգնման ենթակա տարածքը | Ընդհանուր տնկիների քանակը |
|---|---|---|---|---|
| Սոճի (Pinus spp.) | 30 | 900 | 82.25 | 74,025 |
| Կաղնի (Quercus spp.) | 20 | 600 | 49,350 | |
| Խնձորենի (Malus sylvestris) | 15 | 450 | 37,013 | |
| Տանձենի (Pyrus communis) | 15 | 450 | 37,013 | |
| Հացենի (Fraxinus spp.) | 10 | 300 | 24,675 | |
| Թխկի (Acer spp.) | 10 | 300 | 24,675 | |
| Ընդհանուր | 100 | 3000 | 246,750 |
Աղյուսակ 2
Ստեփանավանի անտառտնտեսությունում 1հա-ի համար պահանջվող սերմնաբուսակների քանակությունը
| Տեսակ | 1հա-ում տնկիների հարաբերակցությունը, % | 1հա-ում պահանջվող տնկիների քանակը | Վերականգնման ենթակա տարածքը | Ընդհանուր տնկիների քանակը |
|---|---|---|---|---|
| Սոճի (Pinus spp.) | 40 | 1200 | 21.49 | 25,788 |
| Կաղնի (Quercus spp.) | 10 | 300 | 6,447 | |
| Խնձորենի (Malus sylvestris) | 10 | 300 | 6,447 | |
| Հացենի (Fraxinus spp.) | 20 | 750 | 12,894 | |
| Թխկի (Acer spp.) | 20 | 750 | 12,894 | |
| Ընդհանուր | 100 | 3000 | 64,470 |
Աղյուսակ 3
Տաշիրի անտառտնտեսությունում 1հա-ի համար պահանջվող սերմնաբուսակների քանակությունը
| Տեսակ | 1հա-ում տնկիների հարաբերակցությունը, % | 1հա-ում պահանջվող տնկիների քանակը | Վերականգնման ենթակա տարածքը | Ընդհանուր տնկիների քանակը |
|---|---|---|---|---|
| Սոճի (Pinus spp.) | 50 | 1500 | 65.88 | 98,820 |
| Կեչի (Betula spp.) | 20 | 600 | 39,528 | |
| Խնձորենի (Malus sylvestris) | 10 | 300 | 19,764 | |
| Հացենի (Fraxinus spp.) | 10 | 300 | 19,764 | |
| Թխկի (Acer spp.) | 10 | 300 | 19,764 | |
| Ընդհանուր | 100 | 3000 | 197,640 |
Այլ դրույթներ
Եթե անտառվերականգնման միջոցառումների իրականացման ընթացքում պարզվի, որ որևէ կոնկրետ ծառատեսակի տնկված սերմնաբուսակների քանակը պակաս է, քան նախապես նախատեսված էր, ապա պայմանագրային արժեքներն ենթակա են համաչափ նվազեցման՝ հիմնվելով փաստացի տնկված սերմնաբուսակների քանակի վրա։
Տնկանյութի որակական չափանիշներ
Անտառվերականգնման համար օգտագործվող բոլոր սերմնաբուսակները պետք է համապատասխանեն հետևյալ նվազագույն պահանջներին․
Սերմնաբուսակները պետք է աճեցված լինեն տեղական ծառատեսակների (նույն էկոզոնայի/անտառային շրջանի) սերմերից՝ տարածքի պայմաններին հարմարվելու համար։
Տնկման պահին բոլոր սերմնաբուսակները պետք է լինեն առավելագույնը երկու տարեկան․ ;
Արմատային համակարգը պետք է լավ զարգացած լինի՝ առանց վնասվածքների, վնասատուների, հիվանդությունների կամ ձևախախտումների;
Տնկվելու են ինչպես փակ, այնպես էլ բաց արմատային համակարգով սերմնաբուսակներ
Փակ արմատային համակարգով ծառատեսակներն են՝ սոճի (Pinus spp.), կաղնի (Quercus spp.)։
Բաց արմատային համակարգով ծառատեսակներն են՝ հացենի (Fraxinus spp.), թխկի (Acer spp.), վայրի խնձորենի (Malus sylvestris), տանձենի (Pyrus communis), կեչի (Betula spp.)։
Դաշտ տեղափոխելուց առաջ ստուգել յուրաքանչյուր սերմնաբուսակի ամբողջականությունը: Տեղափոխման և պահեստավորման ընթացքում արմատները պետք է ծածկված լինեն խոնավ կտորով՝ արևից և քամուց պաշտպանված։ Բաց արմատային համակարգով սերմնաբուսակները արկղերում դասավորել հորիզոնական՝ արմատների վնասումը կանխելու նպատակով։
Տնկման սխեմա
Տնկման աշխատանքներ
Սերմնաբուսակների տնկումը նախատեսվում է իրականացնել աշնանը։ Եթե նախատեսված սեզոնին տնկման աշխատանքների իրականացումը դառնում է անհնարին ֆորս-մաժորային հանգամանքների պատճառով, ներառյալ՝ անբարենպաստ եղանակային պայմանները կամ այլ օբյեկտիվ հանգամանքներ, որոնք խոչընդոտում են աշխատանքների իրականացումը սահմանված ժամկետում, ապա տնկման աշխատանքները պետք է իրականացվեն հաջորդ համապատասխան սեզոնին (աշնանը)։
Բոլոր 3 տարածքներում նախատեսված է տնկել յուրաքանչյուր շարքում մի տեսակ:
Վանաձոր Տնկման ցիկլ` 20 շարք, որը կրկնվելու է ամբողջ 82.25 հա տարածքում.
Տեսակային բաշխվածություն․
6 շարք․ սոճի
4 շարք․ կաղնի
3 շարք․ խնձորենի
3 շարք․ տանձենի
2 շարք․ հացենի
2 շարք․ թխկի
Ժամանակացույց
● Պայմանագրի ընդհանուր տևողությունը՝ մոտ 2 տարի 3 ամիս (ներառյալ 1 տարի 3 ամիս պատասխանատվության շրջան՝ տնկումից հետո մոնիթորինգի և խնամքի համար)։● Յուրաքանչյուր հաշվետվություն պետք է ներկայացվի գրավոր և ուղեկցվի լուսանկարներով/քարտեզներով։
9. Վերջնական փուլի պարտավորություններ
Վերջնական հաշվետվություն
Վերջնական հաշվետվությունը բաղկացած է լինելու համախմբված փաստաթղթից, որը ներկայացնում է բոլոր փուլերի արդյունքները, ներառյալ տնկված ծառերի ընդհանուր քանակը, տեսակային կազմը, կենսունակության մակարդակը, իրականացված խնամքի միջոցառումները (մոլախոտերի հեռացում, հողի փխրեցում, խոտհունձ)։ Նշում է փոխարինված տնկիների քանակը (չորացած կամ ոչ կենսունակ բույսերի դեպքում)։
Ապացույցներ
Լուսանկարներ յուրաքանչյուր տարածքից (նախքան և հետո)
GPS կոորդինատներ՝ տնկված տարածքների և ենթակառուցվածքների (ցանկապատեր, դարպասներ) ճշգրիտ նույնականացման համար
GIS քարտեզներ՝ ցույց տալու տեսակների բաշխվածությունը և ընդգրկված տարածքը:
Կենսունակության և պահպանման ամփոփում
Գարնանային և աշնանային գնահատումների արդյունքները։
Կենսունակության մակարդակ ՝ սահմանված շեմից (≥ 75%) ոչ պակաս։
Փոխարինված սերմնաբուսակների փաստաթղթավորում։
Պաշտպանիչ ենթակառուցվածքներ
Ցանկապատերի և դարպասների կառուցման վերաբերյալ հաշվետվություն։
Կառուցված ցանկապատի ընդհանուր երկարությունը, հենասյուների քանակը և օգտագործված փշալարի ծավալը։
Բնապահպանական և սոցիալական արդյունքներ
Համայնքների ներգրավման մասին տեղեկություն։
Կիրառված բողոքների ընդունման և լուծման մեխանիզմների վերաբերյալ փաստաթղթավորում։
Սոցիալական և բնապահպանական ազդեցությունների համախմբված ակնարկ։
Ֆինանսական ամփոփում
Փաստացի ծախսերի հաշվարկներ՝ համեմատած բյուջեի հետ։
Շեղումների հիմնավորում։
Հավելված
Բնապահպանական և սոցիալական կառավարման ծրագրի (ԲՍԿԾ) կառուցվածք
1. Ծրագրի նկարագիր
Տրամադրել վերականգնվող տարածքի համառոտ նկարագրություն՝ հիմնվելով անտառային կառավարման պլանի ելակետային տվյալների վրա։
Ամփոփ ներկայացնել նախատեսվող վերականգնման աշխատանքները և դրանց հիմնական բաղադրիչները։