ՀՀ ՄԱԿ կոմիտեի կարիքների համար ներքին աուդիտի ծառայությունների ձեռքբերում

ՀՀ դրամ

Ծառայության Հրավերով նախատեսված չափաբաժնի համարը Գնումների պլանով նախատեսված միջանցիկ ծածկագիրը` ըստ ԳՄԱ դասակարգման (CPV) Ամբողջական անվանումը Տեխնիկական բնութագիրը 1 79211180/1 ներքին աուդիտի ծառայություններ Ներքին աուդիտի ծառայության շրջանակը Ներքին աուդիտի ծառայությունների մատուցման նպատակով հրավիրված անձը (այսուհետ՝ Կատարող) պետք է գնահատի ՀՀ միջուկային անվտանգության կարգավորման կոմիտեի (այսուհետ՝ կոմիտե) ներքին աուդիտի միջավայրը, որը ներառում է կազմակերպության անբողջ համակարգը՝ ընդգրկելով կազմակերպության բոլոր հնարավոր գործառույթները, առաջադրանքներն ու աուդիտի ենթակա գործընթացները, ֆինանսական կառավարման և հսկողության հետ կապված գործառույթները, և առաջարկների ներկայացման միջոցով օժանդակի ղեկավարությանը ձեռնարկել միջոցառումներ՝ կոմիտեի նպատակներին հասնելու և դրանում հնարավոր ռիսկերը կառավարելու համար։ Նախկինում կատարած աուդիտորական աշխատանքերի արդյունքները պետք է ընդունվեն ի գիտություն և հաշվի առնվեն հետագա աշխատանքներում։ Կատարողին և վերջինիս կողմից մատուցվող ներքին աուդիտի ծառայության նկատմամբ ներկայացվող ընդհանուր պահանջներ Ներքին աուդիտի անկախությունը․ ա) Կատարողը պետք է հաշվետու լինի կոմիտեի նախագահին (այսուհետ՝ նախագահ) և ներքին աուդիտի կոմիտեին․ բ)Կատարողը պետք է կատարի ներքին աուդիտի կոմիտեի քարտուղարի պարտականությունները․ գ)Կատարողը չի կարող իրականացնել կոմիտեի կառավարման որևէ գործառույթ, բացի ներքին աուդիտի գործունեության կառավարման գործառույթներից․ դ)Կատարողը պետք է իրականացնի կոմիտեի ներքին աուդիտի միջավայրի ուսումնասիրություն և գնահատում։ Ձեռքբերվող ծառայության նկարագիրը. 1) Կատարողը պարտավոր է համաձայնագրի (պայմանագրի հիման վրա կնքված) ուժի մեջ մտնելու օրվանից ձեռնարկի ներքին աուդիտի մասին օրենսդրությամբ սահմանված բոլոր այն գործողությունների կատարումը այնպիսի ժամկետներում, որպեսզի՝ 2026 թվականն ընգրկող ժամանակահատվածից սկսած մինչև պայմանագրի գործողության ժամկետի ավարտը ապահովի սույն տեխնիկական բնութագրով և ներքին աուդիտի մասին օրենսդրությամբ սահմանված ներքին աուդիտի ծառայությունների մատուցումը․ 2) Սույն բաժնի 1-ին կետով սահմանված պարտականության կատարման նպատակով Կատարողը պարտավոր է. ա) կազմել ներքին աուդիտի որակի երաշխավորման և բարելավման ծրագիր, ապահովել դրա կատարումը. բ) կազմել և նախագահի հաստատմանը ներկայացնել ներքին աուդիտի կանոնակարգը. գ) կազմել ռազմավարական և տարեկան ծրագրերը՝ կոմիտեի ռիսկերի գնահատման, ինչպես նաև նախագահի կողմից մատնանշված խնդիրների հիման վրա. դ) իրականացնել արդյունավետ ներքին աուդիտ՝ գնահատելով ֆինանսական կառավարման, հսկողության համակարգերի արդյունավետությունը և համապատասխանությունը հետևյալ պայմաններին` • կոմիտեի ղեկավարության կողմից ռիսկերի բացահայտում, գնահատում և կառավարում, • Հայաստանի Հանրապետության օրենսդրությանը և կոմիտեի գործունեությանն առնչվող այլ պայմաններին (պայմանագրերին, գերատեսչական նորմատիվ ակտերին և այլնին) համապատասխանություն, • տնտեսող, արդյունավետ և օգտավետ գործառույթներ, • տեղեկությունների վստահելիություն և ամբողջականություն, • կորուստներից, չարաշահումներից և վնասներից ակտիվների ու ռեսուրսների պահպանման հուսալիություն, • առաջադրանքների կատարում և նպատակների իրագործում: ե) տրամադրել. • հավաստիացում առ այն, որ կոմիտեում առկա կառավարչական գործընթացները համապատասխանում են/չեն համապատասխանում/մասամբ են համապատասխանում նշանակալի ռիսկերի բացահայտման և դիտարկման նպատակին. • հաստատում առ այն, որ ներդրված ներքին հսկողական համակարգերը գործում են/չեն գործում արդյունավետ կերպով. • հավաստիացում առ այն, որ ռիսկերի կառավարման վերաբերյալ հաշվետվողականության գործընթացները հուսալի են/հուսալի չեն. • հաստատում առ այն, որ նախագահը կոմիտեի այլ պաշտոնատար անձանցից ստանում է/չի ստանում/մասամբ է ստանում պատշաճ որակի և հուսալի տեղեկատվություն. • առաջարկություններ՝ ուղղված հսկողական համակարգերի և ռիսկերի կառավարման ընթացակարգերի բարելավմանը և հսկողական համակարգերում բացահայտված թերությունների շտկմանը, զ) կազմել և նախագահին ու ներքին աուդիտի կոմիտեին ներկայացնել ներքին աուդիտի մասին օրենսդրությամբ նախատեսված հաշվետվությունները. • իրականացված աուդիտորական առաջադրանքների արդյունքների վերաբերյալ պարբերական հաշվետվություններ. • ներքին աուդիտի գործունեության արդյունքների վերաբերյալ տարեկան հաշվետվություն. • տարեկան առնվազն մեկ անգամ ներքին աուդիտի որակի երաշխավորման և բարելավման ծրագրի կատարման վերաբերյալ հաշվետվություն, ներառյալ ներքին գնահատման արդյունքները, միջոցառումների անհրաժեշտ ծրագրերը և դրանց իրականացման արդյունքները։ է) իրականացնել վերստուգման գործընթաց՝ աուդիտի ենթարկվող միավորի ղեկավարության կողմից իրականացված՝ աուդիտի արդյունքում բացահայտված թերությունների շտկման գործողությունների համապատասխանությունը, արդյունավետությունը և ժամանակին լինելը գնահատելու նպատակով։ Կատարողը պետք է հատուկ ուշադրություն դարձնի այն առաջարկություններին, որոնց մասով ղեկավարությունն ստանձնել է մնացորդային ռիսկ, և պատշաճ կերպով փաստաթղթավորի այդ դեպքերը. ը) կազմակերպել աշխատանքային փաստաթղթերի պատշաճ փաստաթղթավորում և պահպանում: 3) Ներքին աուդիտի համագործակցությունը այլ ներքին և արտաքին հավաստիացումներ տրամադրողների հետ. ա) Կատարողը պետք է համագործակցի ներքին հավաստիացումներ տրամադրողների հետ՝ անհրաժեշտ տեղեկատվություն ստանալու և գործողությունների կրկնությունը բացառելու նպատակով. բ) նախագահի հանձնարարությամբ Կատարողը պետք է համագործակցի հանրային հատվածի կազմակերպություններում օրենքով սահմանված կարգով ստուգում իրականացնող պետական կառավարման համակարգի մարմինների և ՀՀ հաշվեքննիչ պալատի հետ՝ նրանց աջակցելու և համապատասխան տեղեկատվություն տրամադրելու նպատակով: 4) Լիազոր մարմնին տրամադրվող տեղեկատվություն. Կատարողը ՀՀ ֆինանսների նախարարությանը՝ որպես «Ներքին աուդիտի մասին» օրենքով սահմանված լիազոր մարմին (այսուհետ՝ Լիազոր մարմին) պետք է տրամադրի ներքին աուդիտի մասին ՀՀ օրենսդրությամբ նախատեսված հետևյալ տեղեկատվությունը. ա) «Ներքին աուդիտի մասին» ՀՀ օրենքի 13-րդ հոդվածի 4-րդ մասի 5-րդ կետով սահմանված Լիազոր մարմնի կողմից հրապարակված ցանկում ընդգրկվելու համար ներկայացված տեղեկություններում կամ փաստաթղթերում, այդ թվում` Կատարողի կամ դրա աշխատող համարվող ներքին աուդիտորների մասին փաստաթղթերում փոփոխություններ կատարելու դեպքում այդ փոփոխությունների մասին տեղեկատվություն` դրանք ուժի մեջ մտնելուց հետո 15 աշխատանքային օրվա ընթացքում. բ) ներքին աուդիտորներին վերապատրաստելու անհրաժեշտության և վերապատրաստման ծրագրի ուղղվածության մասին առաջարկություններ. գ) ռազմավարական ծրագիրը, ներառյալ դրանում կատարված փոփոխությունները ներքին աուդիտի մասին օրենսդրությամբ սահմանված կարգով վավերացվելու օրվան հաջորդող երկու աշխատանքային օրվա ընթացքում՝ ի գիտություն. դ) հաջորդող տարվա տարեկան ծրագիրը ՝ մինչև տվյալ տարվա դեկտեմբերի 1-ը. ե) հաշվետվություն՝ ՀՀ ֆինանսների նախարարի 2012 թվականի փետրվարի 17-ի N 143-Ն հրամանի 9-րդ հավելվածում ներկայացված 2-րդ ձևով՝ ներքին աուդիտի կանոնակարգի հաստատումից կամ փոփոխության ուժի մեջ մտնելուց հետո 5 աշխատանքային օրվա ընթացքում. զ) ներքին աուդիտի տարեկան ամփոփ հաշվետվություն՝ մինչև հաջորդ տարվա մարտի 1-ը. է) կոմիտեի կողմից հաստատված ներքին գնահատման ստուգաթերթերը և հարցաշարերը ու դրանցում կատարված փոփոխությունները՝ հաստատումից հետո 5 աշխատանքային օրվա ընթացքում. ը) ներքին գնահատման արդյունքները, միջոցառումների անհրաժեշտ ծրագրերը և դրանց իրականացման արդյունքները՝ տարեկան առնվազն մեկ անգամ, ցանկալի է տարեկան ամփոփ հաշվետվության հետ մեկտեղ: Ներքին աուդիտի ծառայությունը մատուցող Կատարողի նկատմամբ ընդհանուր պահանջներ. Կատարողը պետք է ընդգրկված լինի Լիազոր մարմնի կողմից վարվող հանրային հատվածում ներքին աուդիտ իրականացնելու համար որակավորում ունեցող կազմակերպությունների ցանկում։ Կատարողի՝ սույն տեխնիկական բնութագրով նախատեսված ծառայությունների մատուցման համար ներգրավված աուդիտորները պետք է համատեղությամբ չաշխատեն ներքին և/կամ արտաքին աուդիտի ծառայություններ մատուցող այլ կազմակերպություններում, կամ այլ կազմակերպություններում որպես ներքին աուդիտոր: Ներքին աուդիտի տարեկան ծրագիրը կազմելուց և անհրաժեշտ մարդկային ռեսուրսները հաշվարկելուց հետո՝ Կատարողն, անհրաժեշտության դեպքում, կարող է ներգրավել լրացուցիչ աշխատանքային ռեսուրսներ՝ համաձայնեցնելով Պատվիրատուի հետ։ Նշվածի համար Կատարողը պետք է ունենա ներքին աուդիտի մասին օրենսդրությամբ սահմանված կարգով հաշվարկված բավարար քանակությամբ մարդկային ռեսուրսներ՝ հանրային հատվածի կազմակերպության ներքին աուդիտի միջավայրի տարրերի ռիսկերի գնահատման արդյունքներով կազմված ռազմավարական և տարեկան ծրագրերը պատշաճ կերպով իրականացնելու համար։ Կատարողը ներքին աուդիտի աշխատանքները պետք է կատարի ներքին աուդիտի մասին ՀՀ օրենսդրության պահանջներին և ՀՀ ներքին աուդիտի մասնագիտական գործունեության ստանդարտներին համապատասխան և պահպանի ներքին աուդիտորի վարքագծի կանոնները։ Ծառայության գնման ժամանակացույցը. Ծառայության մատուցումն իրականացվում է պայմանագիրն ուժի մեջ մտնելու օրվանից մինչև 2026 թվականի դեկտեմբերի 10-ը։ Ծառայության ընդունման և վճարման ժամանակացույցը. Պայմանագրի կատարումն ընդունելու նպատակով յուրաքանչյուր հանձնման-ընդունման արձանագրության հետ մեկտեղ Կատարողը ներկայացնում է հաշվետվություն հաշվետու ժամանակահատվածում մատուցված ծառայության մասին՝ նշելով ծառայություն մատուցողի անունը, ծառայության բնույթը, բովանդակությունը և դրա փաստաթղթավորված արդյունքը․ ինչպես նաև իր կողմից հաստատված գրավոր հավաստում։ Վճարումն իրականացվում է համապատասխան ֆինանսական միջոցների առակայության դեպքում համաձայնագրով սահմանված վճարման ժամանակացույցով նախատեսված ամիսներին` հաշվետու ժամանակահատվածի համար ներքին աուդիտի տարեկան ծրագրով նախատեսված աուդիտորական առաջադրանքների կատարման՝ դրանց վերաբերյալ ներկայացված հաշվետվությունների առկայության և Պատվիրատուի կողմից տրված դրական եզրակացության դեպքում: Սույն տեխնիկական բնութագրի շրջանակում հաշվետու ժամանակահատված է համարվում՝ 1) Պայմանագրի ուժի մեջ մտնելու օրվանից մինչև 2026 թվականի դեկտեմբերի 10-ն ընկած ժամանակահատվածը, 2) 2026 թվականի հունվարի 1-ից մինչև պայմանագրի գործողության ավարտը յուրաքանչյուր եռամսյակը, ընդ որում չորրորդ եռամսյակի հաշվետվությունները ներկայացվում են մինչև տվյալ տարվա դեկտեմբերի 10-ը, իսկ պայմանագրի գործողության ընթացքում վերջին ժամանակահատվածը ժամկետի լրանալուց 15 աշխատանքային օր առաջ: Այլ տեղեկություններ. 1) ՀՀ միջուկային անվտանգության կարգավորման կոմիտեի գործառույթները սահմանված են «Կառավարության կառուցվածքի և գործունեության մասին» օրենքով, ՀՀ վարչապետի 2018 թվականի հունիսի 11-ի թիվ 747-Լ որոշմամբ և այլ նորմատիվ իրավական ակտերով, 2) ՀՀ միջուկային անվտանգության կարգավորման կոմիտեի համակարգում գործում է թվով 8 կառուցվածքային ստորաբաժանում, որոնց թիվը կարող է նվազել կամ ավելանալ: Ընդ որում ստորաբաժանումների թվի ավելացումը չի կարող դիտվել որպես ծառայության մատուցման ծավալի ավելացում: 3) Կատարողին կտրամադրվեն կոմիտեի ներքին աուդիտի ստորաբաժանման կողմից մշակված և հաստատված ներքին աուդիտի օրենսդրությունից բխող ներքին իրավական ակտերի օրինակները. 4) Ներքին աուդիտի հետ կապված հարաբերությունները կարգավորվում են հետևյալ իրավական ակտերով. «Ներքին աուդիտի մասին» օրենք. - ՀՀ կառավարության 11․08․2011 թ․ № 1233-Ն որոշում. - ՀՀ կառավարության 31․05․2012 թ․ № 732-Ն որոշում. - ՀՀ կառավարության 08․08․2013 թ․ № 896-Ն որոշում. - ՀՀ կառավարության 13․02․2013 թ․ № 176-Ն որոշում. - ՀՀ ֆինանսների նախարարի 08․12․2011 թ․ թիվ 974-Ն հրաման. - ՀՀ ֆինանսների նախարարի 17․02․2012 թ․ թիվ 143-Ն հրաման. - ՀՀ ֆինանսների նախարարի 23․02․2012 թ․ թիվ 165-Ն հրաման. - ՀՀ ֆինանսների նախարարի 30․11․2012 թ․ թիվ 1050-Ն հրաման. - ՀՀ ֆինանսների նախարարի 12․12․2012 թ․ թիվ 1096-Ն հրաման. - ՀՀ ֆինանսների նախարարի 28․12․2023 թ․ № 516-Ն հրաման:

ՀՀ դրամ

Ծառայության հրավերով նախատեսված չափաբաժնի համարը գնումների պլանով նախատեսված միջանցիկ ծածկագիրը` ըստ ԳՄԱ դասակարգման (CPV) անվանումը դիմաց վճարումները նախատեսվում է իրականացնել 20__թ-ին` ըստ ամիսների, այդ թվում** հունվար փետրվար մարտ ապրիլ մայիս հունիս հուլիս օգոստոս սեպտեմբեր հոկտեմբեր նոյեմբեր դեկտեմբեր Ընդամենը 1 79211180/1 ներքին աուդիտի ծառայություններ 0 0 0 0 0 0 70 70 70 100 100 100 100%

* Վճարման ենթակա գումարները ներկայացվում են աճողական կարգով: Եթե պայմանագիրը կնքվում է "Գնումների մասին" ՀՀ օրենքի 15-րդ հոդվածի 6-րդ մասի հիման վրա, ապա սույն ժամանակացույցը լրացվում և կնքվում է ֆինանսական միջոցներ նախատեսվելու դեպքում կողմերի միջև կնքվող համաձայնագրի հետ միաժամանակ` որպես դրա անբաժանելի մաս:

** հրավերում գումարները նշվում են տոկոսով, իսկ պայմանագիրը կնքելիս տոկոսի փոխարեն նշվում է կոնկրետ գումարի չափ

Հավելված 4